أَعظَم ثوره ============ تلاتين يونيو يوم الثوره ع الإرهاب وجماعة الخَوَنه حاولوا سِرقة مصر ف غَفله من أهلها بِخَدِيعه مُبتَكَره باسم الدين بِطرُق مِلتويه وباساليب قَذِره بالجمله والإشاعات أكاذيب مفتعله ليل ونهار وبصوره مُمِله حَاَولوا يِزرَعوا بينا الفِتنه وعقولهم تافهه ومختله دولت شيغه ودولت سُنه أو مسلم ومسيحى بِحرفَه لاجل ما يكسروا جبل الوحده حاولوا وحاولوا مليون مرَه لكن فَشَلوا ف كل محاوله ثَار الشعب وحزب الكَنَبَه بالملايين وف كل محافظة أو ف مدينه ونجع وقريه ضِد ولاد الإيه الفَجَرَه وسلاحهم كان بَس الكِلمه يَسقُط يَسقُط حُكم الشِله اللى لا ليهم دين ولا مِله كل هدفهم كان السُلطَه لو ملايين حَتموت مِش فَارقَه لكن ربك صاحب القدره سَخَر لينا ف آخر لحظه من أبطالنا صَاحب نَخوه وعزيمه صَلبه ومروه قالها بكل شجاعه وقوه عُمر بلدنا ما تدخل هوه ولا يِسرَقها جماعه مُنحَله وتبيع لينا النار والجنه أنا بانحاز لسواد الأمه لاجل ما نخفظ مصر الغاليه اللى رايتها دايما عاليه شُفنا النور من بعد الضالمه حَرَرنا بلدنا من السَحَرَه نشكر ربنا ثم الثوره شعب وجيش ومعاهم شُرطه ف تاريخ مصر دى أعظم ثوره تلاتين يونيو ذكرى الثوره ================== ( محمـد عنانى )
تعليقات
إرسال تعليق