لهفة المفطوم // للشاعر الشعبي الكبير // كريم الرسام

(( لـهفة المفطوم )) كريم الرسام مـــــــاتصعب عليــــــه وأفتهم معناك كلش سهل عندي ومـــو صعب حلك مـــا أسال عليـــك بشكل باقي الناس أنتــــه بوســــط روحي ولازم أنــدلك حفظتك مثل أسمي بكثر ما أهم بيك يـــــــــانادر وأبــد مـــــــاتشبه الحلك واضح كلشي بيـك وكـل لغـز مــابيك صدكني مـن اكلك حـــــــافظك كــلك من كـــــــــد ما حفظتك أشتبه مرات اصيح الشمس وين من ارد اصيحلك خطوه بخطوه احس الكلب يمشي وياك ومن كــــــد مــــا يحبك صارلك ظلك كلي أنتـه شتكلي شــما كلت مقبول غير انـه أحبـــك جـــــــذب ما اكلك عــــذبني بـــدلالك راضي انــه بهاي راح ابقـــه أحبـــك وابـــــد مـــا املك بجناح الفـــرح شـــديت هـاي الروح وأهدهه بسمه الشـــــوك وكبل تنـزلك تتفرفـــــح عليــــك بلهفة المـفطوم حرام تصير قاسي ويـــــــاهو يقبلك انه الراضي عليـــك بــرغم كل مابيك وأتحــــذر وأبــــد مـــرات مــا أزعلك وأخاف أنـوب تزعل ياهو اليــراضيك ومن تــزعل علي انـــوب شـــيحملك انه الصابر عليــــــك وما تمل الـــروح عود من الصبر بـــــــالـــروح شـــاتلك ياخلي ....بغيابك أنه ما موجود ومن تبـعد علي مـــــا انحسب خلك مثل ظلي احسك حلمة تمشي وياي لاتصدك أعـــــــــوفك وابـــد ما احلك أشور بيــك صـدك جي عــدل ويــاك وألوم انوب روحي وابــــد مــا اعلك ولا أغفـــر لروحي وانه مـا معـــــذور وأتنـــــــدم عليـــك أنــوب وأغفــرلك ارتـــاح لعـــذابك والــــــــــدلال البيك يــاجرح بـدليلي وعمـــده مـــا أشلك حتى اتـــذكرك كلمـــــا اكـــولــــــن أه وأفـــزن مــن حلات النـوم وأسهرلك ياحســـــبه بكثر مــــابيه من صفنات من حقي مــــن افكر بيــك واصفنلك طبع بيه من احب لازم احب بأخلاص وانته بكيــفك شــتختــــار مـــــا كلك ورغم ما بيك احبك على أعناد الروح

واطير بتــــــــك جنح مجبور اوصلك