قصيدة (( انت موضوعي )) للشاعر الشعبي العراقي // سفير السلام .. كريم الرسام ..

أنته موضوعي كريم الرسام تــــــــــانيت بلكت تجي وتسـكت دمــوعي حسيته كلش صعب ويــــــــــاك مــوضوعي حجم المسافه كبر والبعد مــــــــو شي سهل صـار انتظــاري صــعب ظليت احـس بالملل انـــــــه انتظرتك تجي تــــزرع بروحي الامل خلص عمرهن صـــــبر واحتـركن شــــموعي انته اعلى بــــــــالي وأبــد ماتـروح من بالي بس ظلي وي الحــــــــــــــــزن بجفاك يبرالي كلبك اظن ينكـــــــــــــــــسر لو تسمع بحالي تمنيــتك بلا عــــذر تطوي المســـــافه وتجي وبروحي مـــاظل صبر كلي بعــــــد شارتجي مشــــروع مابيه هجر ويــــــــــــاك مشروعي كمت احس بـــاخر امـــــل يتلاشه بظنوني بلكت تمرني بحلم لــــــــــــــو يغفن عيـوني تمسح صفنتي الخذت من وجهي لـون الفرح مااكدر اعله البعـــــد مــــو سهله من انجرح مــو سهله اســـــــــــكت بعـد والبيه يكفيني ومن كلشي اســــــــــــمه بعد بـاريت تعفيني طبع البعد مــــو سهل مـــــااريده موضوعي تانيت بس شـــــكثر ومنين اجيبه الصــــــبر وانه بغيابك صرت مــــــــااهوى بــس السهر زادن اظنــــــوني علي وكثرت معانـــــــــاتي واحتــــــــــــــار بين الصـــبر مــابين شماتي والعــذر مــا ينقبل مـــن تحجي وي شمات ويصـعب جوابي يظل اهـــات في اهـــــــات يــا مـن عفتني بوكت محتــــاجك انه اهواي ما اعرف شغيرك مــــــــــو ظلي جنت وياي يـاريت كونـــــك تجي وتســــــكت اليحجون ســــكت بروحي العطش وخل اليكون يكون مـــــا يهمني بعد الحجي يـدرون مــا يدرون مرني ولــــــو بالحلم بس شــــوفني بيا حال وتشـــــوف وكتي شــكثر من بعد عينك مال مااريد اخسرك ابـــــــــــــــــد يالساكن الدلال شـــــــــما حاولت تبتعد تبقه انته موضوعي